Isinalaysay ng aktor na si Dindo Arroyo ang tanging pagkakataon na nakita niyang galit ang yumaong Hari ng Pelikulang Pilipino na si Fernando Poe Jr.
Ibinahagi ni Dindo na bukod sa pagiging leading actor, minsan ay nagdidirek din si FPJ ng sarili niyang mga pelikula.
Inilarawan niya si FPJ bilang isang mahigpit na direktor, at nakita niya itong nabalisa nang makita siya ng huli na natutulog sa set ng pelikulang 'Dalubhasa.'
"Nahiga ako sa kama kasi kakainom ko lang ng gamot, hindi po sa pagyayabang medyo at that time marami po akong ginagawang pelikula, siguro mga tatlo o apat 'yun na nilalagari ko," kwento ni Dindo.
"Umabot po sa punto na kahit may lagnat ako tuloy ang taping at hindi ako nagrereklamo. Papahinga lang ako ng kunti, action na.
"So humiga ako habang sine-set up 'yung mga ilaw, about five minutes nakatulog ako.. Dumating ang FPJ 'o rehearsal tayo, two lines tayo Dindo' nag buckle ako, hindi ko naman nakalimutan, nautal lang ako sa isang word tapos nagalit.
"First time ko siyang nakita nagalit, 'eh ang hirap naman sayo dindo e, pahiga higa ka diyan, alam mo naman na bawal [dito ang matulog] baka sabihin nila ng importansya [dahil] inaanak kita e?' napatahimik ako."
Hindi sinabi ni Dindo kay FPJ ang kanyang kalagayan, ngunit nang matuklasan ng tinaguriang 'Da King' na siya ay may sakit, mabilis siyang humingi ng tawad sa aktor.
Paliwanag niya, pinilit niyang magtrabaho dahil ayaw niyang maantala ang production ng pelikula, na maaaring makaapekto rin sa kanyang mga katrabaho.
"Maniwala po kayo sakin, nag-apologize siya, 'bakit hindi mo sinabi pasensya ka na inaanak, hindi ko alam kasi ayoko lang talaga na may natutulog sa set ko.'" aniya.
0 Comments